D

REGOLAMONT

La GRAN CHIDLADA A SCUADRES de 4 porsones ven fata tla

CHIDLARA DLA OSTARIA DA RONCAC D’AL PLAN en

DOMEGNA, 13. de NOVEMBER 2016

La chidlada è reservada a UNIUNS CULTURALES Y SPORTIVES, DITES,

ISTITUZIUNS, TLASSES y CLUBS DAL COMUN DE MAREO

y Clubs simpatisanc dla Chidlada da Roncac.

Les iscriziuns ven tutes sö tla ostaria da Roncac tel. 0474 501068 fax 0474 501780 fina en vendres, ai 11. de november 2016 con la paiamont de Euro 60,00 por scuadra y con am l’ennom dla uniun y dai partezipanc con l’ann ch’ai è nascüs.

- vigne partezipant pò ma tó pert pa öna na scuadra.

- i chidladus/esses dles “Uniuns Chidlé“ dles categories „Uniuns y Eres“      pò ma tò pert önn/öna por scuadra, mo porchel pa vigne uniun.

- La scuadra messa al momont dla iscriziun se cherì fora l’orar por chidlé y la “Bahn”. Al ven perié der bel da tó pert puntualmonter ala ora motüda dant. Vigne scuadra à 1 ora de tomp da chidlé. Sce na scuadra se prejenteia con plü de 10 minuc massa tert, ne sciafiera nia plü da chidlé. Sce en partezipant de na scuadra ess da falè pol gnì baratè jö con en ater, mo dagnora con önn dla medema assoziaziun.

Al ven chidlé la domegna dales 10:00 ales 20:00.

- Vigne scuadra và adöm a chidlé y tira 12 boc de proa (3 porom), spo 40 boc sön i plens (10 porom), 40 ala gardenera (10 a porsona), 40 da romené (10 a porsona) y 24 söle len (6 boc a porsona) Le len

1

2 2

3 3 3

4 4 4 4

5 5 5 5 5

6 6 6 6

7 7 7

8 8

9

Al é endöt 25 zifres por en total de 125 „chidli“. Vigne chidladù, anfat chi co met man, po tra 6 boc. Ci co ven atoché ven sferié jö dal len. La gherlanda val desco “jolly” y al po gnì sferié jö la zifra che an o. La scuadra co maza jö plü chidli/zifres, davagna le jüch.

Al ven chidlé con cialzá da ginastica.

​​

• Classifica: la scuadra co se classificheia al pröm post pa vigne jüch ciafa tan de punc co che al è scuadres y damprojö fina ala ultima co ciafa önn en punt.

• I punc dai 4 jüc ven compedes adöm y val por la classifica finala.

• Les prömes 5 scuadres dles categories Uniuns (ma ei o moscedades) y Eres ven premiades con de bi pesć.

• En cajo de parité davagna la scuadra co à davagné deplü jüc, spo damproia che scuadra co à arjunt i mius plazamônc. Sce al foss ciamò parité, davagna la scuadra co à chidlé miú da romené spo damproia sön i plens, ala gardenera y sön le len.

• Al ven ince fat na classifica singolara olà ch’al ven cumpedé adöm i chidli da romenè, sön i plens y ala gardenera. Al ven premiè les prömes trei eres y i pröms trei ei fina 20 agn, da 21 a 30 agn, da 31 a 40 agn, da 41 a 50 agn, da 51 a 60 agn, sora 60 agn y dla Uniun Chidlé. En cajo de parité davagna le chidladù/essa co à arjunt le miù resultat da romené spo damproia sön i plens y ala gardenera.

• Vigne partezipant/a ciafa en panino do la chidlada.

Por i partezipanc y por chi co ciara pró vegnel fat na lotteria. I numeri ciafun da cumpré dertan la chidlada. L’estraziun ven fata la domegna sera dô la chidlada, encer les 20:15 y i pesć ven ma dês fora a chi co tol pert al’estraziun. Sce ön ne sciafia nia de ester presente, dessel ti lascé i numeri an compagn/a. La premiaziun dla chidlada ven fata do l’estraziun dla lotteria. L’organisaziun ne soratol degüna responsabilité por danns o mai co podess sozeder dertan la manifestaziun.

A düc aodunse en bun divertimont y GUT HOLZ !

L’organisaziun

​

Le davagn dla Gran Chidlada 2016 ven sorandé ala Crusc Blancia Mareo por i 25 agnv dla fondaziun.

L’uniun ringrazia der bel danfora y aôda a düc “GUT HOLZ” y bun divertimont !

 

 

 

 

 

 

 

 

 

​

a.